Boundary(Episode 2)

EPISODE 2 of 4

Araw ng Sabado, walang pasok habang nakabangon na ang lahat, si Eric naman ay nasa kanya pang higaan, iniisip ang nangyari noong isang gabi. Biglang tumunog ang kanyan cellphone, tumawag si Alice, "Hoy Eric, samahan mo ko sa mall, wala akong kasama eh",

"Busy ako" ang sagot ni Eric.

Narinig ni Eric na may kausap ang kanyang ama sa labas ng kanilang bahay, "nasa kwarto nya, andun pasukin mo nalang." ang wika ng kanyang ama. Namulat ang mata ni Eric, at biglang bumangon upang magdamit. Nang bumukas ang pinto ay si Alice pala, "anong busy, ang pinagsasabi mo eh, natutulog ka lang pala."

"Eh bakit ba kasi, ayokong sumama, gagawin mo lang akong taga buhat." ang tanggi ni Eric. "Please Eric, please" ang pakiusap ni Alice at biglang lumuhod sa harap ni eric na naka boxer lang. "Tumayo ka nga," ang hiyaw ni Eric. "Osige, gagayak ako maghintay ka sa labas, abala ka talaga kahit kelan." ang dugtong pa nya.

Nang makarating sila sa mall, Nag aya kagad sa department store si Alice, "Aba, hindi mu muna talaga 'ko pakakainin, nagugutom ako hindi ako nag almusal." ang reklamo ni Eric.

"Ocgee, san mo ba gusto kumain,"ang tanong ni Alice. Kumain sila at ng matapos ay namili na si Alice. 

Inip na inip si Eric, habang abot naman ang sukat ng damit si Alice, Nagtingin tingin si Eric sa mga damit, at may nakita sya na kanyang nagustuhan, ngunit ng makita nya ang halaga ng damit ay binitawan nya ito. Nakita sya ni Alice, "wow, ang ganda nyan ah, isukat mo ", ang wika ni alice. 

"Ayoko, kamahal, wala akong pambayad" ang tanggi ni Eric. 

"E di, ako magbabayad, sige na sukat mo na" ang ingganyo naman ni Alice. 

"Wag na, wag na" ang tangggi ni Eric at biglang umalis sa stall.

Hapon na noon ng matapos sila, umiika na si eric kalalakad. Habang naglalakad, "Sandali lang, Hoy huminto ka muna Alice."

"Bakit Eric, ang hina mo naman, sandali lang tayo naglakad eh."

"Tignan mo ton, boyfriend mo yon diba ? tignan mo may kalampungan oh. " ang wika ni Eric. 

Nang matanaw ito ni Alice, ay sumagsag papunta sa kanyang boyfriend, ng makita siya ng kanyang boyfriend ay natahimik ito. 

"hayop ka, malandi kang hayup ka, timer ka hayop ka" ang sigaw ni Alice na galit na galit habang hinahampas ang mga shopping bag sa kanyang boyfriend. 

Inawat siya ni Eric, "tama na Alice" ang kanyang wika.

Iyak ng iyak si Alice, nakasalampak sa gilid ng hallway.

"Tama na yan oh, nakakahiya ang daming nakatingin, muka kang tanga" ang sabi ni Eric. Hinila nya si Alice sa isang upuan. 

"Wag ka ng umiyak, hayaan mo na un, kapangit pangit eh." ang pagpapatahan na wika ni Eric.

"Niloko ako ng hampas lupang yon, yung tarantadong unggoy na 'yon" ang malakas na salita ni Alice. Nag tinginan ang lahat sa kanila. 

Nahihiya na si Eric, "Alice, Tara nuod tayong sine para gumaan ang pakiramdam mo". 

Nanuod sila ng comedy, Habang nasa loob at nanunuod, tawa ng tawa si Eric. Tahimik lamang si Alice.

"Huy, Alice ..tumawa ka naman, sayang yung entrance natin" ang wika ni Eric.

Bigla na lamang humagulgol ng iyak si Alice sa loob ng sinehan, natigil sa pagtawa ang mga nasa nanunuod, nakatingin sa kanilang lahat. "Buwisit na haliparot na lalaking yon, niloko ako ng hayop na yon, bakit Eric?, Pangit ba ko, hindi ba ko masayang kasama, bakit naghanap siya ng iba.?" ang iyak ni Alcie.

Namula sa kahihiyan si Eric, bigla nalamang niyang inakap si Alice, at isinubsob ang ulo nito sa kanyang dibdib upang hindi na marinig ng iba ang iyak nya. "Alice, nakakahiya, kadaming tao, tumahimik ka nga, pasalamat ka nga nalaman mo kagad, eh di kung hindi mo  siya nakita ngayon, igagawa mo nanaman sya ng assignment sa monday, tapos ipag gagayak mo sya ng baon, tapos bibili mo ng gamit, eh ngayon nalaman mo , hindi mo na kailangan gawin lahat ng yon.."  

humahagulgol pa rin si Alice, hanggang matapos si ang palabas.

Nang naglalakad sila pauwi sa kanilang bahay, malungkot pa rin si Alice. "wag ka na malungkot, gusto mo ba uminom, treat ko" ang aya ni Eric kay Alice.

Uminom sila, at mas malakas pang uminom si Alice kaysa kay Eric, napansin ni Eric na napaka tahimik ni Alice at naninibago siya. 

"Wag mo nalang siyang isipin, madami pa dyan, madami ka pang pwedeng maging boyfriend, wag mo na sya isipin."

Napatingin si Alice kay Eric, at dumukdok ito sa kanyang balikat. Hindi ito umiiyak, ngunit halatang napakalungkot ni Alice.

Tahimik na lamang si Eric. kinonfort na lamang nya si Alice, Buong gabi sila sa labas ng kanilang bahay, gising ngunit hindi nagsasalita ang dalawa. 

Nang makita ni Eric ang oras na alas-dose na pala, inaya na niyang umuwi si Alice. "Tara, hatid na kita sainyo, pahinga ka na bukas wala na yan." ang aya ni Eric. 

"Ipasan mo ko, nahihilo ko" ang sabi ni Alice.

"Ikaw talagang babae ka pabigat ka, 'lika pumasan ka na".

Nangiti si Alice, at pumasan kay Eric.

Nagkekwento si Eric habang naglalakad, "nag away kami ni tatay nung isang araw, kelan kaya sya babalik sa dati? mula ng mamatay si nanay ganun na lang sya, di na nya kami naasikaso, kung hindi sugal, alak naman ang kaharap nya. " ang kwento ni Eric.

Hindi sumasagot si Alice dahil tulog na pala sya.

Nailing na lamang si Eric.

Nag makarating sa  bahay, Nagpasalamat si Alcie, "Eric salamat hah, Oh eto" may inaabot si Alice na isang bag,

"Ano ba'yan " ang tanong niya

"yung damit na nakita mo kanina, binili ko para sayo."

"Naku, para sakin ba talaga yan, baka naman sa boyfriend mo yan"

"FYI, ex-, hindi ko na sya boyfriend, para sayo to talaga, thank you gift ko kasi pinagtyagaan mo ko maghapon." ang sabi ni Alice

NIyakap niya si Eric, at pumasok na sa loob ng bahay.

May hang over ang magkaibigan, 

Nang magising si Eric, nag text kaagad siya kay Alice.

"Okay ka na? pag naiinip ka sabihin mo, kwentuhan nalang tayo hah, wag ka mag susuicide, hehe " ang txt ni Eric kay Alice.

"Good moring Eric, ano ka ba, hndi ako mag susuicide, nakakawala ng poise ang magbigti hano, hndi bagay sakin may lubid sa leeg, iwww." ang reply ni Alice.

Natawa naman si Eric.

Lunes ng umaga, Humiyaw si Maryo [ang kaibigan ni Sergio(tatay ni Eric)] "Sergio, nakahanap ako ng trabaho, halika kulang pa ng isang mason dun sa pinapagawang gusali sa kabilang barangay, ng kumita ka naman ng pera " ang anyaya ni Maryo.

"Pare, naku e masakit nga ang likod ko, hindi ko nga alam kung bakit" ang daing pa ni Sergio.

"Pare, igalaw galaw mo kase, nagdidikit dikit na mga buto mo sa katawan, ng mahasa naman yang buto mo" 

" Naku pare sa susunod nalang talaga" ang mahigpit na pag tanggi ni Sergio.

"sige ikaw ang bahala, mauna na ko pare," ang paalam ni Maryo.

Paglabas ng bahay ni Eric, ay dirediretso sya, hindi pinansin ang kanyang ama,

 "Anak.. Eri.." ang utal na pag tawag ni Maryo sa kanyang anak.

Hindi siya nilingon ni Eric. Dumaan pa ang ilang mga araw ay hindi talga kinikibo ni Eric ang kanyang ama. Nang isang pagkakataon ay, nilapitan sya ng kanyang ama.

"Eric, pasensya ka na nung isang araw mukang nasaktan kita."

Umalis si Eric, palayo sa kanyang ama,

"Eric, pasensya ka na anak"

" 'tay yang pasensya mo, walang silbe yan, maging ama ka, wag ka mag paka bata na parang natisod mo lang ako." ang sabi ni Eric. 

"maging ama ka samin tay', hindi palagi mo nalang dahilan na para makalimut ka sa pagkamatay ni nanay." ang dugtong pa niya at umalis.

Tahimik ang kanyang ama, at naupo na lamang, napaisip. 

Kinaumagahan ay, maagang umalis si Eric patungo sa paaralan.

Nakaupo si Mang Sergio sa kanilang bakuran, humiyaw nanaman si Maryo, "Ano pareng sergio, masakit pa rin ba ang likod mo, halika't sumama ka sakin ng may pang inom tayo mamaya." ang yayang muli ni Maryo.

Sumama si Sergio, binilinan si Precious na alagaan muna ang batang kapatid na si Janjan. "Tay' san ka ba pupunta, eh may lakad kami ng barkada ko eh, birthdayan yun tay."

"Huwag ka na muna sumama, baka hapon na ko makauwi magtatrabaho ako." ang mahigpit na bilin ng ama.

Hindi naniwala si Precious na magtatrabaho ang ama.

Nang katanghaliaan, habang nag lalaro si Janjan, dumating ang mga kaibigan ni Precious,.

"lika na, bilis" ang yaya ng mga kaibigan niya.

"Eh, magbabantay ako ng kapatid ko, di na ko sasama" wika ni Precious

"Ibilin mo muna sun sa isa mong pinsan"ang payo ng mga kaibigan

Napaisip si Precious, gumayak at ibinilin ang kanyang kapatid sa pinsan niya na naglalaro ng bingo.

Umalis sya, binigyan ng sampung piso ang batang kapatid.

Habang walang tao sa bahay nila Eric, abala naman sa pagtantos ng numero ang pinsan ni Precious, Naglalaro naman si Janjan.

Nakarinig siya ng kuleleng ng Icecream, napatakbo ang bata sa kalsada, na hindi pansin na may sasakyan palang padating. Nasagasaan ang bata. Sakto naman na pag baba ng tricycle ni Eric, nangmakita niya ang kapatid ay tinakbo niya kagad ito.

Tinulungan siya ng nakabangga sa bata. 

Kabang kaba si Eric, at hindi mapakali.

Dumating ang ama niya may bitbit na supot,

"Anak, Eric, ano nangyaqre kay Janjan. "ang sagsag ni Sergio.

"Ano, nangyare nanjan,l nalumpo si Janjan, nsagasaan dahil sa kapabayaan mo tay".

"Napaka walang silbi mo talaga, wala kang silbing ama,"

Hindi na nakapag paliwanag si Sergio, tinanggap na lamang ang salita ng anak,

Nilapag niya ang supot na mag lamang litsong manok na binili nya galing sa una nyang sweldo sa pagtatrabaho.

TO BE CONTINUED.........

boundary (episode 1)

EPISODE 1 of 4

Umaga na naman, si Sergio hawak ang kanyang panabong na manok at mukang ikinukundisyon. Sa pagtilaok ng manok, nagising na si Eric, napipikit pa dahil sa puyat kagabi sa pagtatrabaho ngunit bumangon at nagtimpla na rin ng kape. Habang nag iinat ng katawan, binati nya si Precious, "Aba naman gising ka na, mukang puyat ka pa yata, wag ka muna pumasok sa eskwelahan, matulog ka ulit at mamayang gabi ay romonda nanaman kayo ng barkada mo" ang tuya ni Eric sa dalagang kapatid. Napatingin si Precious habang sinusuklay ang buhok,"Siryoso ka ba kuya?". "Hindi, lumabas ka dyan sa kwarto at magluto ka ng umagahan nyo ni bunso. Sa takot na hindi bigyan ng baon ay, nagluto na si Precious. Samantala, ng makagayak na si Eric tutungo na sa eskwelahan, humiyaw si mang Sergio,"aba anak papasok ka na, pahiram nga ng 3000 mo, eh lumapit sakin si pareng Mario gustong magsosyo kami sa pag bili ng isda sa Pangasinan, at ibebenta namin dito sa bayan, mukang magandang pagkakitaan yun anak. "Tay, sigurado ba yan, e si mang Maryo din ang nag aya sa inyo na mamakyaw ng gulay sa tumana at ibenta sa bayan ah, e wala namang nagyare sabi nyo nabulok ung gulay hindi nabili, tapos nung isang buwan lang humingi nanaman kayo, sabi n'yo sosyo kayo ni mang Maryo na manghuhuli ng baboy at kakatayin, hati kayo sa kikitain, E nakawala kamo ung baboy at hindi nyo na nakita, ngayon naman isda? Baka naman 'tay makawala din ung isda at makabalik sa dagat, nasasayang lang ang pera." NAyuko si Sergio at lumapit sa anak, "anak pasensya ka na talaga mukang malas lang ang tatay, pero pano tayo kikita kung si susubukan, alam mo ba na si Bill Gates bago yumaman 'yon, nalugi muna yon ng maraming beses, malay mo ako ganun din, kaya suporta lang anak. Napailing nalang ang Eric at humugot sa wallet ng 2500, "yan 'tay wala na, yan nalang natira ng sahod ko. mabilis na kinuwa ng ama ang pera.

Himiyaw ang kabo ng weteng "Sergio beinte uno/tres, oh tataya ka ba.?" Nalingon si Sergio kay Eric, anak e baka may barya ka pa dyan baka bwenas tayo ngayon!?" Wala namang imik at nag abot ng trenta pesos si Eric, tumungo na sya sa eskwelahan. 

Second Year College na si Eric, Masipag mag aral, at masipag din sa hanap buhay, may part time job sya pag gabi, sa isang fast food chain(bawal mag plug). Pag pasok nya sa silid ay tahimik lamang at nakalingon sa bintana. Pumasok si Dexter(hambog at mayaman na kaklase ni Eric), binatukan sya nito sabay sabi ng"sory tol". Hindi na lamang niya ito pinansin.

Dumating ang titser, habang nag tuturo ay may biglang nagbukas ng pinto ng silid, "good morning ma'am, sory im late!", siya si Alice ang babaeng walang pagod ang bibig kasasalita, seatmate sya ni Eric.

"Hi Eric ano na ba naituro ni ma'am" ang tanong ni Alice. Hindi sumagot si Eric. Habang nakikinig si Eric sa lecture ay dirediretso naman ang pag sasalita ni Alice," Alam mo ba na nagkita kami ng boyfriend ko kahapon, at niyaya nya ko sa park, Grabeeeehh, napuyat nga kami eh, kasi pumunta kami sa bahay nila, nag patulong gumawa ng peroject, sabay namin ginawa yung project pero naidlip lang sya nung huli, okay lang nakakaawa din naman kasi napupuyat sya, kaya kinumutan ko pa nga sya bago ako umuwi nung natapos ko na yung project eh." Hindi kumikibo si Eric. "huy, ano naman magsasabi mo, sumagot ka naman ang hirap magsalita ng walang kausap. Lumingon si Eric, "itikom mu kasi yang bibig mo ng 'di ka mahirapan." ang advice nya kay alice. "Ang sama mo naman, tuwing magkukuwento ako sayo, parang wala kang pakialam." Sumagot si Eric, "Eh wala naman talaga eh, pero wag ka ngang pakatanga dyan sa syota mo, ginagawa kang taga gawa ng project di bale sana kung nililibre ka nya sa date nyo eh, ikaw rin naman ang nag babayad, pati pang bayad nya sa pay toilet". 

Ang sama mo magsalita, minsan minsan lang naman kaya okay lang , tska ang mahalaga ako lang ang mahal nya at girlfriend nya." ang pagtatangol ni Alice. Hindi na kumibo si Eric upang hindi na humaba pa ang usapan.

Uwian na, habang naglalakad si Eric, sumabay sa kanya si Alice at walang tigil kakekwento tungkol ka boyfriend nya. Padaan sila Dexter, binatukan nanaman si Eric, at sabay sabing " ay, sory Eric". Hindi nanaman ito pinansin ni Eric, at hinayaan na lang. "Bakit ka pumapayag ng ginaganon ka ng mga masangsang na kalabaw na'yon" ang hiyaw sa kanya ni Alice. "Hoy mga mayayabang na kulay aspaltong kalabaw, huwag nga kayong mayayabang." ang hiyaw at pagtatanggol ni Alice. Nalingon si Dexter at ang barkada nya, sabay natawa, "hahahaha, nakahanap ng tagapag tanggol si eric bano". At ... hindi pa rin kumikibo si Eric, naka yuko pa rin sya. "Napakaduwag mo talaga bakit, wala ka man lang sinabi e ginagawa kang aso ng mga yon." Wika ni Alice. 

"Hayaan mo na lang sila, kung papatulan ko wala naman ako magagawa, pagtutulungtulungan lang nila ko." ang sabi ni Eric. "Abah, eh napakaduwag mo talaga noh, ewan ko ba sayo pumasok ka na nga lang sa trabaho mo, at pupuntahan ko na si BF ahihihihih" ang kinikilig na sabi ni Alice.

Pumasok sa trabaho si eric, at pagtapos ay umuwi na sya. 

Sa bahay, naku may umiihi sa pader nila, may natutulug sa mesa na puno ng basyo ng alak, at ang tatay nya.. nandudumilat ang mata sa kalasingan, oh anak andyan ka na pala eh. Lumingon lang at hindi sumagot si Eric. 

Pagpasok ni Eric, nakatulog na ang kapatid niyang bunso sa upuan sa paghihintay sa kanya "Ken, Ken.. lipat na kita sa kwarto , halika." 

"Kuya hindi pa ko kuamakain, nagugutom ako." 

Kumalabog ang pinto, sa malakas na pwersa ng pag bukas ni eric, "Tay, tay, hindi pa daw kumakain si Ken, ano ba naman yan tay, si ken nalang nga ang aalagaan nyo di nyo pa magawa, inuna nyo pa yang bisyo nyo kesa sa anak mo." ang galit na hiyaw ni Eric.

"Ikaw dimonyo ka, wag mo kong piangsasalitaan ng ganyan at anak lang kitang hinayupak ka, wag mong ipamuka sakin yang perang ibinibigay mo" ang bulyaw ng kanyang ama habang sakal sakal siya. lumakad ang ama at pinulot ang patay na panabong na manok, ihinampas kay Eric,"Ayan ,hayop ka iluto mo at ipakain mo sa mga kapatid mo." Tumulo ang luha ni Eric, habang pinulot ang patay na manok, iniluto nya ito ng masama ang loob.

Habang sinusubuan ni Eric si Ken, dumating ang kapatid nitong si Precious, Hinatid ng kanyang boyfriend, mukang nakainum din si precious, dumiretso si precious sa kanyang silid, at nagpaalam naman ang boyfriend nito "kuya Eric, Uwi na ko" ang paalam ng boyfriend na gumergewang din sa pagkalasing.

"huwag mo kong kinukuya at di mo ko kamaganak, bat mo hinayaang uminom si Precious, kabatabata pa ng kapatid ko." ang galit na hiyaw ni Eric.

"eh, gusto naman nyang kapatid mo eh," sabay talikod ng lalaki.

Natapos ang araw ng puro sama ng loob si ERic.

to be continued...

pls leave a comment if u want to read the continuation.. :)

stories

Mga storya!